«Адалдық – адамдықтың белгісі»

Мектебіміздің «Адал ұрпақ» ерікті мектеп клубы 8-9 сынып оқушылары үшін «Адалдық – адамдықтың белгісі» тақырыбында адалдық сағатын өткізді. Шараның жас жеткіншектердің адалдық, әділдік және еңбек сияқты маңызды құндылықтар туралы түсініктерін кеңейтуге ықпалы зор болды.
Сондай-ақ шара барысында биыл туғанына 130 жыл толған ақын С.Торайғыровтың өмірі мен шығармашылығы туралы да айтылды. Ақынды толғандырған мәселелер бүгінде өзектілігін жоғалтқан жоқ. Әділдік – бұл «бақыт пен күштің кілті» деп білген Сұлтанмахмұт Торайғыровтың сөздері өскелең ұрпақ үшін мәңгі өсиет болып қала береді.