«Экологиялық журнал»

Ақпаның 22-26 күндері Жаратылыстану-тарих пәндерінің «Экология ел амандығы» тақырыбында апта көлемінде «Экологиялық журнал» жарыққа шығып отырды. Бұл журналды шығаруда әріптестерден сұхбат алып, бөліскен ойларын видеоролик түрінде жинақтап, чатқа салып таныстырылып отырды. Басты мақсат табиғатты пайдаланудың теориясы мен практикасын игеруге бағытталған оқыту жүйесі–табиғатты қорғауды насихаттау болды.

Табиғат-адам баласының тіршілік тынысы, әрі таусылмас қазынасы. Табиғат қорғау ғылымы-экология  ғылымының, негізгі тұжырымдарын жүзеге асыратын, мемлекеттік және қоғамдық игі істер жиынтығы. Адамзаттың табиғатқа қарым-қатынасының өзгеруіне, табиғат ресурстарына ұқыптылықпен қарауға, экологиялық көзқарасын, санасын, табиғатқа деген парасаттылығын, жауапкершілік қарым-қатынасын қалыптастыратыны туралы айтылды.