«Тәуелсіз ұлттың көшбасшысы!» бірыңғай сынып сағаттары

Тұңғыш Президент күні қарсаңында мектебімізде қашықтықтан оқыту форматында 23-30 қараша аралығында «Тәуелсіз ұлттың көшбасшысы!» тақырыбында 1–11-сынып оқушыларына бірыңғай сынып сағаттары ұйымдастырылды.

Сынып сағаттары қазақ халқының тұңғыш президенті Нұрсұлтан Әбішұлы Назарбаевтың өмір жолы, туып-өскен, оқып білім алған, қызмет еткен жерлері туралы мағлұмат бере отырып, Елбасының өмір жолынан үлгі алу, халқын сүюге, азаматтылыққа, ұлттық патриоттық сезімге тәрбиелеу мақсатында жүргізілді. Елбасының мемлекеттің қалыптасуына қосқан баға жетпес үлесі туралы, жүріп өткен жолдары мен еңбектері туралы баяндалды. Сонымен қатар апта көлемінде Елбасыға арналған деректі фильмдердің көрсетілімі ұйымдастырылды. Оқушыларға «Тәуелсіздіктің 7 қыры» циклынан: «Жаңғыру жолы», «Болашаққа бастар жол», «Парасатты шешім», «Сын сағат», «Ұйымдасқан ұтады» деректі фильмдері көрсетілді. Тұңғыш Президент күніне арналған іс – шаралар жоспар бойынша сурет көрмесі, патриоттық әндер челленджі, конференция, Жас Ұлан ұйымының қатарына қабылдаумен жалғасты.