"Тұңғыш Президент күні" сабақтары

Өскемен қаласы бойынша білім бөлімінің «Ахмет Байтұрсынов атындағы №20 орта мектебі» коммуналдық мемлекеттік мекемесінде оқушылармен Тұңғыш Президент күніне орай ашық сынып сағаттары ұйымдастырылды.

Жас ұрпаққа Елбасымыздың сан қырлы талант иесі, халқы үшін аянбай қызмет еткен құзіретті тұлға екенін таныту, түсіндіру мақсатында ұйымдастырылған сабақтарға оқушылар белсене қатысты.

Сонымен бірге кітап көрмесі ұйымдастырылып, кемеңгер басшының еңбектері қойылды. Сабақ барысында Елбасымыздың не оқитынын жəне қалай оқитынын жеткізіп, оқушылардың кітап оқуға деген құштарлығын кеңейте түстік деуге болады. Оқушылар Қазақстанның жеткен жетістіктерін, жасампаздықтың жаңа межесін атап өтті.