Ахмет Байтұрсынов атындағы № 20 орта мектебінде "30 игі істер" марафоны жалғасын табуда. Ата-аналар мен ұстаздар қауымы мектептегі аз қамтылған отбасыларына сонымен қатар  мүмкіндігі шектеулі оқушылардың отбасыларына азық-түлікпен көмек ұйымдастырды.

2021 жылдың 8 сәуір күні мектебімізде Тәуелсіздіктің 30 жылдығы аясында 5-сыныптар арасында «Мәңгілік елді жырлаймын» атты мәнерлеп оқу байқауы өткізілді.      Тәуілсіздігіміздің құдыреттілігін түсіндірумен қатар білімдерін жан-жақты кеңейтіп, оқушылардың рухани дүниесін, шығармашылық қабілеттерін дамыту мақсатында өткізілген  байқау келесі шарттарға бөлінді: өзін сахнада дұрыс ұстау, өлеңді жатқа айту, өлеңнің сөздерінің түсінікті болуы, мәнері, дауыс ырғағы.

  Құстарға қамқорлық жасау акциясына  5-сынып оқушылары белсене қатысты.      Акцияның басты мақсаты - оқушылардың табиғатты сүюге, аң құстарды сақтауға, қамқорлық көрсете білуге үйрету. "Құстарға қамқорлық" ұраны аясында еңбек пәні мұғалімі Қадірғазы Қайнар жас буындарға ұя жасауға, оларды іліп құстарға қамқорлық жасауға үйретті.    Қазіргі таңда жас ұрпаққа үздіксіз экологиялық білім мен тәрбие беріп отырсақ ұрпағымыздың дені сау, болашағымыз мықты болары хақ.