Мектебіміздің «Адал ұрпақ» ерікті мектеп клубы 8-9 сынып оқушылары үшін «Адалдық – адамдықтың белгісі» тақырыбында адалдық сағатын өткізді. Шараның жас жеткіншектердің адалдық, әділдік және еңбек сияқты маңызды құндылықтар туралы түсініктерін кеңейтуге ықпалы зор болды.   Сондай-ақ шара барысында биыл туғанына 130 жыл толған ақын  С.Торайғыровтың өмірі мен шығармашылығы туралы да айтылды. Ақынды толғандырған мәселелер бүгінде өзектілігін жоғалтқан жоқ. Әділдік – бұл «бақыт пен күштің кілті»

     28-қараша күні 8 "Г" сыныбында физика пәнінен "Зарядтың сақталу заңы. Кулон заңы" деген тақырыпта ашық сабақ өтті. Пән мұғалімі: Хамитжанова А. К. Сабақта барлық оқушылардың сабаққа қатысуын қамтитын әдіс-тәсілдер мен ойын элементтері қолданылып, білім алушыдардың сабаққа деген қызығушылығы артты.

   Мемлекеттік өрт бақылау басқармасының аға инженері Құмарбеков Азамат Орынбекұлы 5 - сынып оқушыларына қыс мезгіліндегі үйдегі өрт қауіпсіздігі туралы интерактивті сабақ өткізді.  Өрт қауіпсіздігін сақтайық!

   Миф онкүндігінің аясында 27.11.2023 жылы 6 "В" сыныбында математика пәнінен Батталова Айым Тасқымбекқызы "Рационал сандарға арифметикалық амалдар қолдану" тақырыбында ашық сабақ өткізді. Сабақ барысында ұлттық құндылықтарымызды дәріптей отыра топтық,жұптық, жеке жұмыстар арқылы  деңгейлік тапсырмалар орындалды. Оқушылар сабаққа  белсенділік танытып,аса қызығушылықпен қатысты. 

   МИФ он күндігінің аясында 27.11.2023 жылы 5”В” сыныбында математика пәнінен Назарова Гулим Алмасовна “Аралас сандарды қосу” тақырыбында ашық сабақ өткізді. Ашық сабақ барысында оқушылар натурал сан мен аралас санды қосу, бөлімдері бірдей және әртүрлі аралас санды қосу жөнінде толық түсінік алып, есеп шығарды. Қайталау сұрақтарына жауап беріп, тақырып бойынша деңгейлік есептер шығарып, сәйкестендір әдісі арқылы білімдерін шыңдады. Сабақ соңында мұғаліммен кері байланыс орнатты.

   Оқушылардың физикалық белсенді болу, шымыр да шапшаң, ұқыпты да жинақы, өз денсаулығын күте білуге, ортаны таза ұстап аялауға, еңбекқорлыққа тәрбиелеу, салауатты өмір салтын ұстануға баулу мақсатында сынып сағаттары ұйымдастырылды.

   Мектебімізде ата-аналарды педагогикалық қолдау  жұмысы жалғасын табуда.  Аяулы әжелер мен ардақты аналардың арасындағы әңгіме дөңгелек үстел басында өрбіді. Ұрпақ тәрбиесінде ұлттық құндылықтарды қолдану маңыздылығы мен ерекшелігі туралы келелі мәселелер көтеріліп, ой-пікірлер ортаға салынды. Мектеп ұжымының игі бастамасына алғыс білдірген әжелер ақ батасын беріп, алғыстарын жаудырды. Жас аналарға үлгі боларлық өмірлік тәжірибелерін тілге тиек ете отырып, мысалдар келтіре баяндап берді. 

  2023 жылдың 23 қарашасында педагогикалық ұжым, оқушылар және қамту қызметкерлерімен жер сілікнісіне қатысты жаттығу өткізілді. Жаттығу барысында барлық санитарлық нормалары сақталып, мектеп құрамы белсене қатысты.

   Өскемен қаласының жастары арасында сыбайлас жемқорлыққа қарсы мәдениет пен сананы қалыптастыру жөніндегі іс – шаралар кешенін өткізу» мемлекеттік әлеуметтік  жобасын іске асыру шеңберінде «АДАЛ ҰРПАҚ» ерікті мектеп клубтарының конкурсында 1 орын алған Ахмет Байтұрсынов атындағы №20 орта мектебінің командасын құттықтаймыз! Мектеп оқушыларымен осы бағыттағы жұмысты жүйелі ұйымдастырып отырған  жетекшілерге алғыс білдіреміз!

   Мектебіміздегі МИФ он күндігінің аясында 23.11.2023 ж күні  10 «А" сыныбының оқушылармен Алгебра және анализ бастамалары  пәнінен Жаханова Толкын Ануарбековна «Тригонометриялық теңдеулер және жүйелерін шешу әдістері" тақырыбында ашық сабақ өткізді.  Сабақ барысында оқушылар топтық, жұптық жұмыстар арқылы тригонометриялық теңдеулерді тиімді әдістерді қолдану арқылы шешуді орындады.  Деңгейлік тапсырманың орындаудалуының дұрыстығын әр оқушы өздерінің смартфоны арқылы анықтады.