27 қыркүйек күні мектебімізде оқушыларды өзіне ұнаған тиісті мамандықты саналы таңдап алуға дайындау мақсатында Қазақстан Республикасы Ұлттық қауіпсіздік комитетінің шекара академиясының өкілі, майор Бектурсынов Дархан Сарсенұлы мектебіміздің 10,11-сынып ұлдарымен кездесу өткізді. Кездесу барысында өз оқу орындары туралы толықтай мағлұмат беріп, оқушылар тарапынан қойылған сұрақтарға жауап берді.

“1 - қазан Халықаралық қарттар күні” мерекесі . Осы атаулы күнге орай мектебіміздің 10А сынып оқушылары Ұлы Отан соғысының ардагері Светачова Анастасия Павловнаны құттықтап қайтты.

   Ата-аналарды педагогикалық қолдау қызметі бойынша мектебімізде 1 – сыныптың ата –аналарына арналған "Өз балаңа үлгі бол" тақырыбында  кіші конференция ұйымдастырылды.    Оқу ісінің орынбасары мектептегі оқу үрдісінің талаптары мен мазмұны, мектеп психологы 1 – сынып оқушыларының бейімделуі туралы айтып өтті. Жас ұрпақты толыққанды тұлғаға айналдыру үшін ұлттық құндылықтар арқылы тәрбие берудің  маңызы зор екендігіне ҚАЕУ доценті, аға оқытушы    Абдрахманова Ардақ Құрманбаевна тоқталды.