Республика күні қарсаңында мектеп мұражайында ұлттық құндылықтарды, салт-дәстүрді дамыту, ұлықтау және оқушылар арасында қолөнер  түрлерін насихаттау мақсатында 7А,Б – сыныптарының оқушылары, ата – аналары, сынып жетекшілері «Ұлттық өнер – ұрпаққа мұра» тақырыбында қолөнер көрмесін ұйымдастырды. Ұлттық қолөнер – атадан балаға жалғасқан рухани мол мұрамыз. Ұлттық мәдениетті құрметтеу – өркениеттің бастауы.

    Ахмет Байтұрсынов атындағы 20 орта мектебінде қазақ халқының ұлттық құндылығы – айтысты насихаттап, оқушыларды ұлттық рух пен патриотизмге, өз халқына және оның дәстүрлеріне деген құрмет сезімін тәрбиелеу, талантты шығармашылық жастарды анықтау мақсатында «Ақындар айтысы» ұйымдастырылды.      Айтыстың жауһарлары – «Біржан мен Сара», «Сүйінбай мен Қатаған» айтыстарынан көрініс көрсеткен оқушыларымыздың өнері мектебіміздің жас өрендері орындауындағы «Қыз бен Жігіт» айтысына ұласты.