«25 қазан - Республика күні» мерекесіне орай Экология және еңбек фракциясының жетекшісі Еркежан Рустемқызының ұйымдастыруымен 7 - 8 сынып оқушылары арасында «Құстар біздің досымыз» акциясы өткізілді. Оқушылар акцияға белсене қатысты. Әр сынып жемсауыт, ұя жасап, мектеп алдындағы тоғайларға орнатты. Орнату барысында оқушылар құстарға мейірімділік таныту керектігін, табиғатты аялап, онда өмір сүретін әрбір тірі ағза біздің кішкентай ғана бөлшегіміз екенін түсінді.

      Қалалық «Рампа оттары» балалар театр ұжымдарының байқау фестивалінен I ОРЫН алған 5В – сыныбының оқушыларын құттықтаймыз! 

       Отанының тарихын, мәдениеті мен әдебиетін, өткенін білу – әр адамның парызы. «25 қазан – Республика күні» қарсаңында мектебіміздің Парламент мүшелері 2-11 сынып оқушылары арасында «Көк байрағым» тақырыбында сауалнама жүргізді. Сауалнама нәтижесі оқушылардың рәміздер туралы білімін көрсетіп қана қоймай, өз елінің патриоты болуға зор ықпалын тигізді деген ойдамыз.

     14 қазан күні мектебіміздің 7А, 7Б сынып оқушылары ШҚО балалар және жасөспірімдер кітапханасына талантты суретші, Қазақстан Суретшілер одағының мүшесі, Шығыс Қазақстан облыстық сәулет-этнографиялық және табиғи-ландшафтық музей-қорығының қазақ этнографиялық бөлімінің ғылыми қызметкері Бекбердинова Гүлнар Миғражқызымен кездесуге барды.     Сурет салу өнерінің қыр-сырын меңгерген қылқалам шебері кездесу барысында өнердің қалай туындайтынын, оның қаншалықты тартымды, мазмұнды болатынын іс

    Мектебімізде оқушылардың өмір қауіпсіздігін қамтамасыз ету, төтенше жағдайдан қорғалуын жетілдіру, төтенше жағдай туындаған кезде  шұғыл көшіруге (эвакуация) дайын болуға  үйрету мақсатында 14 қазан күні азаматтық қорғаныс бойынша оқу жаттығу дайындық сабағы өткізілді. Төтенше жағдай туындаған кезде  шұғыл көшіруге (эвакуация) дайын болуға  эвакуация жоспар бойынша  жасалды. Қабаттарға кезекші мұғалімдер тағайындалды, әр қабаттағы оқушылар  шығу бағыттарымен шықты. Кезекші мұғалімдер  дабыл

  Мектебімізде  « Әлемнің ғажайып үш тірегі»  атты математика, информатика, физика пәндері апталығы 10 мен 14 қазан аралығында өтті.  Апталыққа арналған жоспар бекітіліп, 10 қазан күні бейне-таныстырылыммен апталықтың ашылуы ютуб каналында жолданып, мектеп дәлізінде аталған пәндер бойынша көрме ұйымдастырылды. 

     Жас жеткіншек бойында Отансүйгіштік, патриоттық сезім қалыптастыру негізгі мақсаттардың бірі. Осыған орай  13 қазан күні Оқушылар шығармашылық сарайында өткізілген «Жас Азамат» жобасына мектебіміздің  8А сынып оқушылары қатысып қайтты.

   13 қазан күні мектебіміздің 9А сынып оқушылары Оқушылар шығармашылық сарайына «Profi-ART» кәсіби бағдар беру  жобасы аясында ұйымдастырылған "Әйгілі отбасылық әулеттер" атты интерактивті-танымдық саяхат сабағына барды.    Оқушыларға әлемге әйгілі отбасылық әулеттер туралы және еліміздегі еңбегімен ерекше көзге түскен әулеттер туралы мағлұмат беріліп, шығармашылық тапсырмалар орындалды.

     «25 қазан - Республика күні» мерекесіне орай мектебіміздің Экология фракциясының мүшелері 1 - 4 сынып оқушыларына «Жаңа Қазақстан. Таза табиғат» атты дәріс сабақ өткізді. Оқушыларға  Жаңа Қазақстан - егемен еліміздің болашақ бейнесі екенін, біз келешегіміздің кемел боларына және жарқын болашақты өз қолымызбен жасай алатынымызға сеніп, «келешек ұрпаққа мүлік емес, көрікті жер, тал қалдырып көркейту өз қолымызда» екені  түсіндірілді.

    Мектебімізде "Ақиқат" дебат клубының алғашқы жиыны ұйымдастырылды. Жиналысқа “SAMGA” даму орталығының оқытушы тренері Шайзанова Назым ханым қатысып, жалпы дебат түрлері мен ойын ережелері және қағидаларымен таныстырды. Жас буындарды бір-бірімен жақындастыру мақсатында ашық пікірталас өткізіліп, маңызды тақырыптар талданды.