Сыбайлас жемқорлыққа қарсы мәдениетті қалыптастыру
Сыбайлас жемқорлыққа қарсы мәдениетті қалыптастыру
2019 жылдың 7-8 қазан күндері А.Байтұрсынов атындағы №20 орта мектебінде ата-аналар жиналысы өткізілді.
Мектеп директоры Б.О.Садыков қандай да бір іс-шара барысында ата-аналардан қаражат жинамау, мереке кездерінде сыйлықтар алуды болдырмау мақсатында Қазақстан Республикасының «Сыбайлас жемқорлыққа қарсы күрес туралы» Заңының жалпы ережелерін таныстырып өтті.
Сынып жетекшілер тақырып бойынша сұрақтар дайындап, ата-аналармен топтық жұмыстар жасады. «Сыбайлас жемқорлыққа қарсы мәдениетті қалыптастыру бойынша негізгі заңдар» құқықтық жалпыға білім беру тақырыбында ата-аналармен түсіндірме жұмыстары өткізілді. Барлық ата-аналар «Ақша жинауға тиым салу туралы» мектептің бұйрығымен таныстырылды. Сондай – ақ мектепте сыбайлас жемқорлыққа қарсы мәдениетті қалыптастыру мақсатында «Адал ұрпақ» клубының жұмыс жүргізіп отырғаны аталып өтті. Сыбайлас жемқорлыққа қарсы саясаттың бағыттарының бірі жемқорлыққа қарсы білім беру, тәрбиелеу және жемқорлыққа қарсы мәдениетті қалыптастыру екендігі айтылды. Ал ата-аналармен жүргізілетін іс-шаралар, соның ішінде қайырымдылық шаралары тек Қамқоршылық кеңестің шешімімен, ұйымдастыруымен өткізілетіні ескертілді.
