20 қараша - Дүниежүзілік балалар құқығын қорғау күніне орай оқушының міндеттері мен құқықтары туралы білу, еліміздің болашағына үлесін қоса білетін білімді де, ізденімпаз ұрпақ болуға тәрбиелеу мақсатында «Менің құқықтарым- менің міндеттерім» тақырыбына сынып сағаттары ұйымдастырылды.

Тақырыбы : «Әлем нақты ғылымдар тілінде» Мақсаты:  Оқушылардың нақты ғылымдарға деген қызығушылығын, оқып-үйренудегі белсенділігін, логикалық ойлау және танымдық қабілеттерін дамыту.  Мұғалімдердің іс-тәжірибелерімен алмасу.

   Мектебімізде «Ата-аналарды педагогикалық қолдау орталығы» бағдарламасы аясында 17 қараша күні ата-аналардың эмоционалды құзыреттілігін, өзіндік сана-сезім, өзін-өзі реттеу, эмпатия және қарым-қатынасты реттеу дағдыларын дамыту мақсатында 11 – сыныптың ата-аналарымен түрлі жағдаяттарды шешу жолдары, шағын топтардағы жұмыс ұйымдастырылды.

   Мектебімізде “Біртұтас тәрбие” бағдарламасы негізінде қазақ халқының ұлттық ойыны “Асық атуды” насихаттау мақсатында, 5-сыныптар арасында “Ханталапай”, “Бес тас”, “Омпы” ойындарынан сайыс өткізілді. Сайыс қорытындысы бойынша 5В сыныбы - l орын, 5Б сыныбы - ll орын, 5А сыныбы - lll орын иеленді.

   Мектебімізде педагогикалық қолдау орталығының жоспары негізінде ата - аналармен  отбасындағы  тәрбие өте  маңызды   рөл  атқаратындығын  көрсете  білу,  бала  тәрбиелеуде мектеп  пен  ата-ана  байланысын  нығайту,  жұмыс  жүйесін  жақсарту мақсатында  "Отбасы - бақыт бесігі " атты  ата-аналар оқуы  өткізілді.

   15 қараша - Ұлттық валюта күніне орай балалардың ұлттық теңгеміз туралы түсініктерін кеңейту, білімдері мен белсенділіктерін дамыту мақсатында «Ұлттық теңге - ұлт мақтанышы» атты мұражай сабағы өткізілді. Шара барысында оқушылар тәуелсіз еліміздің ең бірінші айрықша белгісі - теңгемен, Қазақстанның ұлттық теңгеге көшу тарихымен танысты.    Сонымен қатар ұлттық теңгенің пайда болу тарихы және ұлттық теңгеміздің айналымға кіруі, қалай, кімдер жасағаны, оның безендірілуі туралы мағлұмат

   Қазақ халқы ертеден қыз баланы әдептілік пен ибалыққа тәрбиелеген. Ата-бабаларымыздың дәстүрлі дүниетанымында, әсіресе, қыз баланың өрілген ұзын бұрымына ерекше назар аударған. " Қыздың көркі - шаш, шаштың көркі - шаштеңге" дейтін бабаларымыз қыз бойындағы бар сұлулықты бір бұрымға сыйдырған. Осы мақсатта мектебіміздегі қыздар клубының жүргізілуімен шаш өруден мастер класс өтті. Арнайы маман шашты күтудің қыр-сырларымен бөлісті.

Оқушылардың қауіпсіздігі басты назарда! Осы орайда «Ережелерді білейік, аман-есен жүрейік!» атты қауіпсіздікті сақтау бойынша мектеп Парламентінің мүшелері іс - шара ұйымдастырды. Барлық 1-9 - сынып оқушыларына жол қауіпсіздігі, өрт қауіпсіздігі, көктайғақ кезіндегі қауіпсіздік ережелері туралы толық ақпараттар берілді. Әр түрлі тапсырмаларды қызыға орындаған оқушылар да өз білімдерін ортаға салды. Шараны жоғары деңгейде ұйымдастырып өткізген төмендегі Парламент мүшелеріне алғыс білдіреміз: 1.

    Қазақтың ұлттық ойындары табиғатпен және оның заңдарымен тығыз байланысты. Асық ойнау баланың жүйке жүйесін мықты, мінезді берік, қимылдарын дәл болуға ықпал етеді.      Қазақтың дәстүрлі асық ойыны ЮНЕСКО-ның материалдық емес мәдени мұра тізіміне енгізілген. Дүниежүзілік балалар күнін мерекелеу қарсаңында мектебімізде «Алтын сақа» олимпиадасы басталды. Ептілік пен шешімділікке баулитын ұлттық ойынға 4 – сынып оқушылары қызыға қатысты.

   Мектебімізде ата – аналарды педагогикалық қолдау аймағы жұмысының барысында бастауыш буын оқушыларының ата – аналарымен «Білімдіге дүние жарық. Танып білу қуанышы: сүйсініп оқу» тақырыбында дөңгелек үстел ұйымдастырылды. Ата-аналармен отбасында балаға психологиялық қолайлы орта құруға ынталандыру, баланың танымдық дағдыларын дамытуда тренингтерді, жаттығуларды практикада қолдану дағдыларын дамыту жұмыстары жүргізілді.