«Денсаулық зор байлық

Оқушыларға салауатты өмір салтын насихаттау, дене шынықтыру мен спорт түрлеріне қызығушылықтарын арттыру мақсатында «Денсаулық зор байлық» тақырыбы аясында ақпанның 22 күні10-11 сынып оқушыларының қатысуымен Өскемен қаласының дене шынықтыру және спорт бөлімі мемлекеттік мекемесінің басшысы, дзюдо күресі бойынша ҚР және халықаралық турнирларының бірнеше дүркін чемпионы және жүлдегері, әлем кубогының күміс жүлдегері (Баку қаласы), XV Азия ойындарының күміс жүлдегері (Доха қаласы), дзюдо күресі бойынша халықаралық дәрежедегі спорт шебері Атаев Алмас Жанаділұлымен сыр сұхбат кездесуі өткізілді. Кездесу барысында оқушылар Алмас Жанаділұлының өмірбаяны мен спортта жеткен жетістіктерімен танысты. Спортпен әуестеніп жүрген оқушылар өздерін қызықтыратын сұрақтарын қойып әңгімені жалғастыра түсті. Әңгімелесудің барысында Алмас Жанаділұлы болашақта мамандық таңдаудың маңызы өте зор екендігін айтып, оқушыларымызға сәттілік тілеп спортпен шұғылдануға шақырды. Кездесуге оқушыларымызбен қонағымыздың көңілі толып, сергіп қалды